Xəbər verdiyimiz kimi, Şəmkir rayonu ərazisində 23 nəfəri daşıyan "Mercedes" markalı aztutumlu avtobusun sürücüsü hərəkətdə olarkən idarəetməni itirib.
Gencexeber.az-ın məlumatına görə, qəza nəticəsində xəsarət alanların sayı 10 nəfəri keçib. Yaralılar Şəmkir rayon Mərkəzi Xəstəxanasına çatdırılıb.
Hələlik aşağıda sadalanan şəxslərin adları məlumdur:
- 1984-cü il təvəllüdlü Aygün Rövşən qızı Musayeva;
- 1958-ci il təvəllüdlü Aygül Həsən qızı Hüseynova;
- 1965-ci il təvəllüdlü Laləzar Göygöz qızı Hüseynova;
- 1962-ci il təvəllüdlü Afət Eyyub qızı Məmmədova;
- 1966-cı il təvəllüdlü Natella Müzəffər qızı Məmmədova;
- 1965-ci il təvəllüdlü Məlahət Cəfər qızı Cəfərova;
- 1994-cü il təvəllüdlü Elman Rasim oğlu Səlimov;
- 1986-cı il təvəllüdlü Nuriyyə Köçəri qızı Musayeva;
- 1956-cı il təvəllüdlü Bəsti Köçəri qızı Musayeva;
- 1987-ci il təvəllüdlü Gülnar Ramiz qızı Əhmədova;
- 1970-ci il təvəllüdlü Mahirə Bayram qızı Babayeva;
- Samirə adlı qadın.
Nəqliyyat vasitəsində olan şəxslərin hamsı Yevlax rayonunun müxtəlif kənd sakinləridir.
Xatırladaq ki, "Mercedes" markalı aztutumlu avtobus Kür-Narınqala avtomobil yolunda kanala yuvarlanıb.
Faktla bağlı araşdırma başlanılıb.
Qeyd edək ki, Şəmkirdə avtomobil qəzasında xəsarət alan 12 nəfərdən ikisinin vəziyyəti ağırdır. Bu barədə report.аz-ın sorğusuna cavab olaraq TƏBİB-dən bildirilib.
Qurumdan bildirilib ki, xəsarət alanların 11-i qadın və biri kişidir. Onlara bədənin müxtəlif nahiyələrinin çoxsaylı travması diaqnozu təyin olunub.
Xəsarət alan şəxslərin müalicəsi tibb müəssisəsində davam etdirilir. Hazırda 10 nəfərin vəziyyəti orta ağır olaraq qiymətləndirilir.
08:57
Şəmkir rayonunda ağır yol-nəqliyyat hadisəsi qeydə alınıb.
Gencexeber.az-ın məlumatına görə, 23 nəfər daşıyan "Mercedes" markalı aztutumlu avtobusun sürücüsü hərəkətdə olarkən idarəetməni itirib. Nəticədə nəqliyyat vasitəsi yol kənarındakı su kanalına aşıb.
Qəza zamanı mikroavtobusda olan 6 nəfər müxtəlif dərəcəli xəsarətlər alıb. Yaralılar təcili tibbi yardım briqadası tərəfindən yaxınlıqdakı xəstəxanaya çatdırılıb.
Hadisə yerinə polis əməkdaşları cəlb edilib. Faktla bağlı araşdırma aparılır.
Qeyd edək ki, avtobusun salonunda olan şəxslər Yevlaxdan Şəmkirdə yerləşən istixanaların birində işləmək üçün yola düşüblər.
