Gəncədə uşaqlar üçün sirk nümayişi olub. Bu haqda 23 yanvar tarixində Kəpəz televiziyasına istinadən məlumat veririk.
“Fantaziya” adlı səyyar sirkin ilk tamaşası şəhid və qazı övladları, imtiyazlı ailələrin uşaqları üçün təqdim olunub. Təqdim edilən nömrələr tamaşaçılarda xoş əhval yaradıb.
Tədbir Gəncə qarnizonu ideolojı və mədəniyyət mərkəzində baş tutub. Burada Azərbaycanla yanaşı, Rusiya, İspaniya, Ukrayna və Özbəkistandan olan gimnastlar, akrobatlar və klounlar çıxış ediblər.
Sirk bu gündən, yəni yanvarın 23-dən başlayaraq gündə 2 seans olmaqla 10 gün müddətində Gəncədə olacaq. Seans ərzində 10 nəfərlik kollektiv saat yarım ərzində çıxış edəcək.
