Tovuzda xəstəxanada dava olub.
Lent.аz xəbər verir ki, hadisə rayon Mərkəzi Xəstəxanasının doğum şöbəsində qeydə alınıb.
Burada işləyən tibb bacıları arasında növbənin təhvili zamanı mübahisə olub. Mübahisə zamanı onlardan 48 yaşlı Tənzilə Məmmədova (ad və soyad şərtidir) iş yoldaşını vuraraq, xəsarət yetirib.
Tənzilə Məmmədova bu əmələ görə saxlanılıb və barəsində İnzibati Xətalar Məcəlləsinin 157-ci (döymə) maddəsilə protokol tərtib olunub. O, ifadəsində əməlindən peşman olduğunu və bir daha belə hərəkətlər etməyəcəyini deyib. Tənzilə Məmmədova həmçinin zərərçəkənlə barışdığı üçün məhkəmədən işə xitam verilməsini istəyib.
Tovuz rayon Məhkəməsinin qərarı ilə inzibati xəta haqqında iş üzrə icraata xitam verilib.
