Gəncədə bir nəfər çayda batıb. Bu haqda 31 iyul tarixində Report-a istinadən məlumat veririk.
Gəncəçayda naməlum qadın meyiti tapılıb. Onun şəxsiyyəti müəyyənləşdirilən zaman məlum olub ki, 17 yaşlı Yevlax rayon sakini F. Əmiraslanovadır.
DİN-in Mətbuat Xidmətinin Gəncə Regional Qrupunun baş inspektoru polis mayoru Eşqin Qasımovun sözlərinə görə, 30 iyul tarixində saat 18:00 radələrində Gəncəçayın şəhərin mərkəzindən keçən hissəsində qadın meyitinin olması barədə polisə məlumat daxil olub. Əraziyə polis əməkdaşları cəlb ediliblər. İlkin baxış zamanı meyitin üzərində zorakılıq izləri aşkarlanmayıb. Qızın cansız bədəni ekspertizaya təqdim edilib.
Faktla bağlı araşdırmalar aparılır.
Yeniyetmənin Gəncədə dilənçilik etdiyi, iki gün öncə yağan güclü yağışlar nəticəsində çayda suyun səviyyəsinin artması nəticəsində suya düşərək boğulduğu ehtimal edilir.
