Gəncədə restoranların dövriyyəsi hesablanıb. Bu haqda 8 may tarixində Fed.az-a istinadən məlumat veririk.
Şəhər Statistika İdarəsi bu ilin yanvar-mart aylarında ictimai iaşə dövriyyəsinin həcmini açıqlayıb. Göstəricilərə əsasən, bu rəqəm 11,9 milyon manat təşkil edib. Bu isə 2023-cü ilin eyni dövrü ilə müqayisədə 6,7 faiz çoxdur.
Dövriyyənin 11,7 milyon manatı fiziki şəxslərin hesabına təmin olunub. Sözügedən dövr ərzində əhaliyə göstərilən ödənişli xidmətlərin dəyəri 2023-cü ilin ilk üç ayına nisbətən real ifadədə 5,8 faiz artaraq 109,6 milyon manat təşkil edib.
Hüquqi şəxslər tərəfindən əhaliyə 37,5 milyon manatlıq xidmət göstərilib. Bu da xidmətlərin ümumi dəyərinin 34,3 faizini təşkil edib. Ödənişli xidmətlərin 20,1 faizi dövlət, 79,9 faizi isə qeyri-dövlət mülkiyyətindən ibarət olub.
