Azərbaycan Respublikasının ərazi bütövlüyünün, müstəqilliyinin və konstitusiya quruluşunun müdafiəsi zamanı əlil olmuş şəxslərə və şəhid ailələrinə Qazax rayonunda 2 və 3 otaqlı mənzillər veriləcək.
İqtisadiyyat.az xəbər verir ki, Əmək və Əhalinin Sosial Müdafiəsi Nazirliyi bununla bağlı hazırlıqlara başlayıb.
Ümumilikdə, şəhid ailələri və müharibə ilə əlaqədar əlilliyi olan şəxslərin mənzil şəraitinin yaxşılaşdırılması üçün 9 ədəd üçotaqlı və 6 ədəd ikiotaqlı evin verilməsi nəzərdə tutulub.
