Gəncədə ilk radiostansiyanın yaradılmasından 106 il keçir. Bu haqda Gencexeber.az 6 iyul tarixində məlumat verir.
Tarixin bu günündə ölkəmizdə ilk radiostansiya fəaliyyətə başlayıb. O, Azərbaycan Xalq Cümhuriyyəti dövründə - 1918-ci il iyulun 6-da Gəncədə yaradılıb.
Bu radiostansiya hərbi xarakterli idi. Burada mülki xəbərlər və mədəni-kütləvi verilişlər yayımlanmırdı. Radiostansiya vasitəsilə yalnız dövlət əhəmiyyətli məlumatlar yayılırdı.
Qeyd edək ki, Azərbaycanda kütləvi radio verilişlərinin yayılmasına 1926-cı ilin 6 noyabrında start verilib. Həmin gün Şərqdə ilk radio olan Azərbaycan Radiosu yaradılıb. Bu səbəbdən Azərbaycan Televiziyası və Radiosu Günü 6 noyabr tarixində qeyd olunur.
