Ölkə ərazisində yağıntılı hava şəraiti müşahidə olunur. Əksər ərazilərə yağış, bəzi bölgələrə isə qar yağır.
Gencexeber.az-a bu barədə Milli Hidrometeorologiya Xidmətindən məlumat verilib.
Qeyd edilib ki, fevralın 11-i saat 10:00-a olan məlumata əsasən, qar örtüyünün hündürlüyü Daşkəsəndə 20, Göygöldə 18, Gədəbəydə 15, Goranboyda 4, Gəncədə 1 sm-dir.
Düşən yağıntının miqdarı Tovuzda 1 mm-dir.
Göygöl, Şəmkir və Daşkəsəndə duman müşahidə olunur, görünüş məsafəsi 500 metrədək məhdudlaşır.
Ölkə ərazisində müşahidə olunan yağıntının 11-i axşamdan tədricən kəsiləcəyi, 12-13-də havanın mülayimləşəcəyi, əksər rayonlarda əsasən yağmursuz keçəcəyi, temperaturun yüksələcəyi gözlənilir.
