Gəncədə basketbol idman növü üzrə seçimlərin növbəti mərhələsi davam edir. Bu haqda 5 iyul tarixində Azərbaycan Basketbol Federasiyasına istinadən xəbər veririk.
Respublikanın rayon və şəhər məktəblərində təhsil alan şagirdlər arasından fiziki və funksional göstəriciləri basketbol idman növünə yararlı olan oğlan və qızlar seçilərək, qeydiyyata alınırlar. Qeydiyyat Azərbaycan Basketbol Federasiyasının (ABF) məşqçi mütəxəssislərindən ibarət nümayəndə heyəti tərəfindən aparılır.
Şagirdlər bu mərhələdə basketbolun təməl başlanğıc hərəkətlərinin praktik məşqlərini yerinə yetiriblər. Praktik mərhələni uğurla tamamlamış şagirdlər növbəti mərhələyə keçid ediblər.
