Gəncədə keçiriləcək güləş yarışı 11 gün davam edəcək.
Gencexeber.az məlumat verir ki, 3–13 fevral tarixlərində Gəncə İdman Sarayında bir neçə yaş qrupu üzrə Azərbaycan çempionatları təşkil olunacaq.
Yarışlar çərçivəsində sərbəst, eləcədə yunan-Roma güləşi üzrə U17 və U20, qadın güləşi üzrə isə U15 və U17 yaş qruplarında ölkənin ən güclü idmançıları mübarizə aparacaqlar.
Çempionatların əsas məqsədi gənc istedadların üzə çıxarılması, milli komandalar üçün ehtiyat heyətin formalaşdırılması və güləşin bölgələrdə inkişafının təşviqidir. Yarışların gərgin və maraqlı keçəcəyi gözlənilir.
Qeyd edək ki, Gəncə daha əvvəl də dəfələrlə respublika və beynəlxalq səviyyəli idman yarışlarına uğurla ev sahibliyi edib. Bu çempionatlar da şəhərin idman həyatında mühüm hadisə kimi dəyərləndirilir.
