Şəmkir rayonu ərazisində yol kənarındakı su kanalına aşan "Mercedes" markalı aztutumlu avtobusun salonunda olan 12 nəfərin son vəziyyəti açıqlanıb.
Gencexeber.az-a Şəmkir rayon Mərkəzi Xəstəxanasının həkimi Teymur Hüseyinli bildirib ki, yaralılardan iki nəfərin vəziyyəti ağır olaraq qalmaqdadır.
"Xəstəxanamıza 12 nəfər gətirilib. Bunlardan 10-nun vəziyyəti orta-ağır, iki nəfərin durumu isə ağırdır. Yaralılardan bir nəfər reanimasiya şöbəsinə yerləşdirilib, digərləri palatalardadır", - Teymur Hüseyinli qeyd edib.
Məlumat üçün bildirək ki, qəza Şəmkirin Kür-Narınqala avtomobil yolunda qeydə alınıb.
Faktla bağlı araşdırma davam etdirilir.
