Gəncədə universitetlərdən birində yenilik planlaşdırılır. Bu haqda 13 iyul tarixində Gancapost-a istinadən məlumat veririk.
Söhbət Azərbaycan Texnologiya Universitetindən gedir. Cari il təhsil ocağının tələbə yataqxanasının tikintisinə başlanıla bilər. Bunu Təhsilin İnkişafı Fondunun İdarə Heyətinin sədri Elnur Nəsibov deyib.
Rəsminin sözlərinə görə, bu, zəruri məsələlərdəndir.
“Otuz ildən artıq bir müddətdə məcburi köçkünlər bir sıra tələbə yataqxanalarında məskunlaşıblar. “Azərbaycan Respublikasının işğaldan azad edilmiş ərazilərinə Böyük Qayıdışa dair I Dövlət Proqramı” çərçivəsində keçmiş məcburi köçkünlər öz ata-baba yurdlarına köçürülürlər. Hazırda yataqxana problemi olan bir neçə ali təhsil müəssisəsi ilə danışıqlar aparılır”, - deyə Nəsibov qeyd edib.
