Azərbaycan Texnologiya Universitetində (ATU) magistraturaya hazırlaşan tələbələr üçün ödənişsiz hazırlıq proqramına start verilir.
Gencexeber.az-ın məlumatına əsasən, proqram ATU tələbələrinin bilik və bacarıqlarının artırılması, imtahanlara daha effektiv şəkildə hazırlaşmalarına dəstək məqsədi daşıyır.
Hazırlıq proqramı çərçivəsində iştirakçılar ingilis dili, məntiq və informatika fənləri üzrə dərslərə qatıla biləcəklər. Dərslərə 21 yanvarda başlanacaq və həftənin I, II və III günləri keçiriləcək.
İngilis dili dərsləri 14:00–15:00, məntiq dərsləri 15:00–16:00, informatika dərsləri isə 16:00–17:00 aralığında təşkil olunacaq. Qeyd olunur ki, fənn seçimi sərbəstdir və tələbələr istədikləri dərsləri seçə bilərlər.
