Azərbaycan Texnologiya Universitetində (ATU) tyutor hazırlığı üzrə sertifikat proqramına sənəd qəbulu elan olunur.
Gencexeber.az bildirir ki, sertifikat proqramının məqsədi tədris prosesində tələbələrə peşəkar xidmət göstərə biləcək akademik məsləhətçilərin hazırlanmasıdır. Tədris prosesinin bütün mərhələlərini əhatə edən proqram təcrübəli ekspertlər tərəfindən aparılacaq.
Sənəd qəbulunun müddəti 1 dekabr 2025-ci il tarixinə qədərdir.
Proqramın yekununda nəticəsi 91-100 bal arası olan namizədlərə "Fərqlənmə", 51-90 arası olan namizədlərə "Adi", 50 və 50-dən aşağı olan namizədlərə isə "Dinləyici" sertifikatı təqdim olunacaq.
Kursda iştirak etmək istəyənlər aşağıdakı sənədləri təqdim etməlidirlər:
-Rektorun adına ərizə
-Ali təhsil haqqında sənədin (diplomun) surəti
-3×4 sm ölçüdə 1 ədəd fotoşəkil
-Şəxsiyyət vəsiqəsinin hər iki üzünün surəti (yeni nəsil olduqda bir üzü)
Əlaqə: (+994) 55 716 41 11 Kəmalə Əsgərova
