Gəncədə iş adamı oğlunu tutdurub. Bu haqda 19 iyul tarixində Oxu.az-a istinadən xəbər veririk.
31 yaşlı A.Sultanov (soyad şərtidir) Atatürk prospektində yerləşən "City center" mağazasına gəlib. O, mağazanın sahibi olan atasından pul tələb edib. Lakin iş adamı oğluna pul verməkdən imtina edib. Bundan sonra A.Sultanov mağazadan çıxaraq uca səslə söyüş söyməyə, ictimai asayişi pozmağa başlayıb, atasının ünvanına nalayiq ifadələr işlədib.
Polisə müraciət edildikdən sonra A.Sultanov saxlanılıb. Onun barəsində 1-ci Polis Şöbəsində protokol tərtib edilib. Saxlanılan şəxs daha sonra Şəhər Məhkəməsinə göndərilib və ona 5 sutka inzibati həbs cəzası verilib.
