Gəncə Ağır Cinayətlər Məhkəməsində qəsdən sağlamlığa ağır zərər vurmada təqsirləndirilən İbrahim Əbilovun (soyadı şərtidir) cinayət işi üzrə məhkəmə istintaqı başa çatıb.
Pravda.аz xəbər verir ki, hakim Dadaş İmanovun sədrliyi ilə keçirilən prosesdə hökm oxunub.
İttihama görə, hadisə 11 mart 2023-cü il tarixdə, saat 01 radələrində Gəncə şəhəri ərazisində qeydə alınıb.
Belə ki, İbrahim Əbilovun qeyri-rəsmi ər-arvad münasibətində yaşadığı zərərçəkmiş Günay Dəmirova (adı, soyadı şərtidir) valideynləri ilə birlikdə onun yaşadığı evin qarşısına gəlib. Hadisə zamanı təqsirləndirilən şəxs zərərçəkmiş şəxs və ailə üzvlərinin ünvanına nalayiq ifadələr işlədərək səs-küy salıb.
Daha sonra İbrahim üzərində olan ov bıçağını silah qismində tətbiq edərək xuliqanlıq edib. Təqsirləndirilən şəxs xüsusi amansızlıqla Günayın valideynlərinin gözü qarşısında ona bir dəfə bıçaqla zərbə vuraraq xəsarət yetirib.
Hadisədən sonra İbrahim Əbilov saxlanılaraq cinayət məsuliyyətinə cəlb edilib.
Məhkəmənin hökmü o, 6 il 6 ay müddətə azadlıqdan məhrum edilib.
