Gəncədə sakinlərlə görüş baş tutacaq.
Azərbaycan Respublikası Qida Təhlükəsizliyi Agentliyi məlumat verir ki, qurumun sədri Qoşqar Təhməzli sentyabrın 12-si saat 09:00-da Gəncə İdman Sarayında vətandaşları qəbul edəcək.
Burada Gəncə və Naftalan şəhərləri, eləcə də Goranboy, Samux, Göygöl, Daşkəsən, Xocalı, Kəlbəcər rayonlarının sakinləri ilə görüş təşkil olunacaq.
Tədbirə qatılmaq istəyən vətəndaşlar ad, soyad və atasının adını, müraciətinin məzmununu, yaşadığı ünvanı və telefon nömrəsini göndərərək info@afsa.gov.az elektron poçt ünvanına rəsmi şəkildə müraciət etməlidirlər. Həmçinin “1003-Çağrı Mərkəzi” ilə əlaqə saxlamaq olar. Qeydiyyat sentyabrın 11-dək aparılır.
Eyni zamanda AQTA-nın region üzrə yerli bölmələrində işlə təmin olunmaq istəyən qida məhsulları mühəndisliyi, istehlak mallarının ekspertizası və marketinqi, metrologiya, standartlaşdırma və sertifikasiya mühəndisliyi, tibbi profilaktika, aqronomluq, bitki mühafizəsi, kimya, biologiya, torpaqşünaslıq və aqrokimya, baytarlıq ixtisasına yiyələnmiş vətəndaşlar müraciət edə bilərlər.
