Göygöl rayonunda ölümlə nəticələnən yol-nəqliyyat hadisəsi baş verib.
Gencexeber.az-ın məlumatına görə, hadisə Toğanalı–Kəlbəcər magistral yolunda qeydə alınıb. "Niva" markalı minik avtomobilinin dərin çuxura düşərək aşması nəticəsində Vəhtəddin Fikrət oğlu Kaplanov hadisə yerində dünyasını dəyişib.
Avtomobildə olan daha üç sərnişin müxtəlif dərəcəli xəsarət alıblar. Onlardan birinin müalicəsi davam etdirilir, vəziyyəti orta ağırdır.
Faktla bağlı araşdırma davam etdirilir.
Bildirilib ki, avtomobildə olan şəxslər Kəlbəcər rayonundan yola düşüblər. Vəfat edən Vəhtəddin Kaplanov orada fəaliyyət göstərən şirkətlərin birində mühəndis kimi çalışıb.
