"Azərbaycan Dəmir Yolları" QSC (ADY) qarşıdan gələn Novruz və Ramazan bayramları münasibətilə ölkədaxili marşrutlar üzrə əlavə qatar reysləri təyin edir.
Gencexeber.az-a bu barədə səhmdar cəmiyyətinə istinadən xəbər verir.
Məlumata əsasən, 19-30 mart tarixlərində hər gün Bakı-Ağstafa-Bakı marşrutu ilə səfərlər təşkil olunacaq.
Qeyd edilib ki, sərnişinlər Bakı-Ağstafa-Bakı qatarlarına biletləri 10 % endirimlə dəmiryol kassalarından, ADY-nin rəsmi saytından və ya "ADY Mobile" tətbiqindən əldə edə bilərlər.
Bayram günlərində Gəncə-Qəbələ-Gəncə marşrutu ilə ənənəvi qrafik üzrə reyslər icra olunacaq.
