Azərbaycan Dövlət Aqrar Universitetinin (ADAU) Baytarlıq Klinikası tərəfindən 25–26 noyabr tarixlərində ev heyvanları üçün tamamilə ödənişsiz qısırlaşdırma aksiyası təşkil olunacaq.
Gencexeber.az bildirir ki, aksiya peşəkar baytar cərrahlar və ixtisaslı mütəxəssislər tərəfindən yüksək tibbi standartlara uyğun şəkildə icra ediləcək.
Sosial təşəbbüsün əsas məqsədi küçə heyvanlarının nəzarətsiz çoxalmasının qarşısının alınması, heyvanların sağlamlıq və rifahının yaxşılaşdırılması, zoonoz xəstəliklərin yayılma riskinin azaldılması, eləcə də məsuliyyətli heyvan sahibliyinin təşviq edilməsidir.
Əməliyyatlar ADAU Baytarlıq Təbabəti fakültəsinin dosenti, çoxillik klinik təcrübəyə malik baytar cərrah Telman İsgəndərov, həmçinin beynəlxalq təcrübəli mütəxəssis Prof. Dr. Kürşat Özer tərəfindən həyata keçiriləcək.
Aksiyada iştirak etmək istəyən vətəndaşlar əvvəlcədən müraciət edərək qeydiyyatdan keçə bilərlər.
Əlaqə nömrəsi: +994 55 506 62 79
