Gəncədə bir nəfər köməksiz vəziyyətdə qalıb. Bu haqda 16 iyul tarixində FHN-ə istinadən məlumat veririk.
Hadisə şəhərin Tağı Arani küçəsində qeydə alınıb. Fövqəladə Hallar Nazirliyinin “112” qaynar telefon xəttinə azyaşlının köməksiz vəziyyətdə qalması ilə bağlı müraciət daxil olub.
Əraziyə xilasedici qüvvələr cəlb ediliblər. Müvafiq xilasetmə tədbirləri keçirilib. Nəticədə ayağı yaşayış binasının divarı ilə metal boru arasında sıxılıb qalan 9 yaşlı uşaq xilas olunub.
