Gəncədə küçələrin birində asfalt örtüyü yararsız hala düşüb.
Gencexeber.az-a daxil olan məlumata görə, sözügedən hal Adil xan Ziyadxanov küçəsində, Beynəlxalq xəstəxananın yanında müşahidə edilir. Sürücülər qeyd edirlər ki, problem uzun müddətdir müşahidə olunur - yolda iri xəndəklər və çuxurlar əmələ gəlib. Axşam saatlarında işıqlandırmanın zəif olması səbəbindən avtomobillər tez-tez çökəkliyə düşür və bu hal sürücülərə real təhlükə törədir.
Sakinlər aidiyyəti qurumların problemi aradan qaldıracaqlarını və yol örtüyünün bərpası üçün müvafiq addımlar atacaqlarını gözləyirlər.
