Tovuz rayonunun Qovlar şəhərində 18 nəfərin dönərdən zəhərlənməsi ilə bağlı Azərbaycan Respublikasının Qida Təhlükəsizliyi Agentliyinin mütəxəssisləri ilə müvafiq qurumların əməkdaşları tərəfindən araşdırmalara başlanılıb.
Bu barədə Oxu.Az-ın sorğusuna cavab olaraq Azərbaycan Respublikasının Qida Təhlükəsizliyi Agentliyinin (AQTA) Mətbuat Xidmətindən məlumat verilib.
Məlumatda qeyd olunub ki, agentliyin mütəxəssisləri hadisənin baş verdiyi ehtimal olunan Tovuz rayonu, Qovlar şəhəri, Vağzal küçəsində fəaliyyət göstərən "Köz dönər" ictimai iaşə müəssisəsinə baxış keçirib, müayinələrin aparılması məqsədi ilə nümunələr götürüb:
"Sözügedən müəssisənin fəaliyyəti məhdudlaşdırılıb. Hazırda aidiyyəti qurumlarla birgə araşdırmalar aparılır. Araşdırmaların nəticələri ilə bağlı ətraflı məlumat veriləcək".
09:56
Tovuzda kütləvi zəhərlənmə baş verib.
Lent.аz xəbər verir ki, hadisə rayonun Qovlar kəndindəki dönərxanalardan birində baş verib. Adları aşağıda sadalan 18 nəfər qidadan (dönər) zəhərlənərək xəstəxanaya aparılıblar:
- 2007-ci il təvəllüdlü Gəncə şəhər sakini Xəyalə Ağasəf qızı Sadıqova;
- 2002-ci il təvəllüdlü Gəncə şəhər sakini Nərminə Arif qızı Məmmədova.
- 2001-ci il təvəllüdlü Tovuz şəhər sakini Lamiyə Elşad qızı Məmmədova;
- 1995-ci il təvəllüdlü Tovuz şəhər sakini Maarif Arif oğlu Məmmədov;
- 1984-cü il təvəllüdlü Tovuz şəhər sakini Coşqun Ağaverdi oğlu Nəsibov;
- 2022-ci il təvəllüdlü Tovuz şəhər sakini Tunar Ağaverdi oğlu Əhmədov;
- 2021-ci il təvəllüdlü Tovuz şəhər sakini Milay Elvin qızı Quliyeva;
- 1995-ci il təvəllüdlü Tovuz şəhər sakini Nərmin Nizami qızı Quliyeva;
- 1980-ci il təvəllüdlü İbrahimhacılı kənd sakini Aqil Dilqəm oğlu Alıyev;
- 2015-ci il təvəllüdlü İbrahimhacılı kənd sakini Eldar Vüsal oğlu Hüseynov;
- 2012-ci il təvəllüdlü İbrahimhacılı kənd sakini Xəyal Vüsal oğlu Hüseynov;
- 1966-cı il təvəllüdlü İbrahimhacılı kənd sakini Gülnarə Həsən qızı Səfərova;
- 1986-cı il təvəllüdlü İbrahimhacılı kənd sakini Aqil Cəmaləddin oğlu Səfərov;
- 2011-ci il təvəllüdlü Köhnəqala kənd sakini Rahib İlqar oğlu Ələsgərli;
- 2013-cü il təvəllüdlü Köhnəqala kənd sakini Fərid Tahir oğlu Mirzəyev;
- 2011-ci il təvəllüdlü Köhnəqala kənd sakini Emil Tahir oğlu Mirzəyev;
- 1986-cı il təvəllüdlü Alakol kənd sakini Turanə Yolçu qızı Mirzəyeva;
- 1985-ci il təvəllüdlü Əyyublu kənd sakini Nail Mehdi oğlu Qasımov;
Onlara ilkin tibbi yardım göstərildikdən sonra evə buraxılıblar.
Xatırladaq ki, bir müddət öncə Qazaxda kütləvi zəhərlənmə faktı baş verib.
