Regional Mədəniyyət İdarəsi Gəncə şəhər Mərkəzləşdirilmiş Kitabxana Sisteminin Mərkəzi Kitabxanasının Uşaq şöbəsi tədbir təşkil edib. Bu haqda 2 avqust tarixində Mərkəzləşdirilmiş Kitabxana Sisteminə istinadən xəbər veririk.
2 Avqust – Azərbaycan Kinosu Günü ilə əlaqədar “Hansı uşaq filmlərini tanıyırsınız” başlığı altında sual-cavab gecəsi baş tutub. Burada qeyd edilib ki, Azərbaycan kinosu ilk yarandığı vaxtlar səssiz və ağ-qara, sonradan isə rəngli və səsli formatda olmuşdur. Azərbaycan filmləri arasında xüsusi yer tutan uşaq filmləri ictimai məzmun və əhəmiyyəti ilə seçilərək hər zaman uşaqların mənəvi tərbiyəsində böyük rola malik olmuşdur. Bu gün geniş tamaşaçı auditoriyası tərəfindən sevilə-sevilə baxılan uşaq filmlərinin ictimai məzmun və əhəmiyyəti, mənəvi-tərbiyəvi rolu böyükdür.
Daha sonra uşaqlara videoçarx vasitesilə uşaq kinolarından olan “Bir qalanın sirri”, ”Sehirli xalat”, “Asif , Vasif, Ağasif”, “Mən mahnı qoşuram”, “Şir evdən qaçdı”, “Qaraca qız”, “Şərikli çörək” və digər filmlərin kinofraqmentləri göstərilib, onların bildikləri kinolar haqqında sual-cavab olub.
