Gəncə şəhər Mənzil Kommunal Təsərrüfatı İstehsalat Birliyinin (MKTİB) İşıqlandırma şöbəsi tərəfindən şəhərin küçə və prospektlərində, park və xiyabanlarında, həmçinin yaşayış massivlərində küçə işıqlandırılması ilə bağlı çatışmazlıqlar aradan qaldırılır.
Gencexeber.az MKTİB-yə istinadən məlumat verir ki, qurumun müvafiq şöbəsi tərəfindən köhnə plafonlar dəyişdirilir, lampalar daha müasir qənaətli, eləcə də işıqlandırma sahəsi daha geniş olan yeni LED lampaları ilə əvəzlənirlər. Şəhərin Şah İsmayıl Xətai prospektində işıq dayaqlarında istismar müddətini başa vuran lampalar yeniləri ilə əvəzlənib, həmçinin, qırıq plafonlarda dəyişdirilib.
Qeyd edək ki, MKTİB-nin İşıqlandırma şöbəsi tərəfindən Gəncə şəhər ərazisində aparılan bu kimi işlərin məqsədi piyadaların və avtomobillərin gecə saatlarında təhlükəsiz hərəkətinin təmin edilməsidir.
