Şəmkir rayonunda həmkəndlilər arasında baş verən mübahisə cinayət işi ilə nəticələnib.
Demokrat.аz xəbər verir ki, hadisə ötən ilin 10 iyununda rayonun qəsəbələrindən birində qeydə alınıb.
1991-ci il təvəllüdlü Alim Vəliyev həmyerlisi Vüqar Cəfərovla (ad-soyad şərtidir – red.) yeddi il əvvəl aralarında yaranmış ədavətə görə mübahisə ediblər. Qəbirstanlıq yaxınlığında baş tutan söhbət zamanı tərəflər bir-birlərinə nalayiq ifadələr işlədiblər.
Daha sonra A.Vəliyev qisas almaq məqsədilə V.Cəfərova yumruq vurub. Zərərçəkən müxtəlif bədən xəsarətləri alıb.
Hadisə ilə bağlı A.Vəliyevin barəsində Cinayət Məcəlləsinin 128-ci maddəsi ilə iş açılıb. Lakin o, zərərçəkənlə barışdığından və vurduğu ziyanı ödəndiyindən məhkəmə cinayət təqibinə xitam verib.
