Gəncədə növbəti qanunsuz tikili aşkarlanıb.
Gencexeber.az şəhər İcra Hakimiyyətinə istinadən məlumat verir ki, qanunsuz tikinti işlərinə qarşı monitorinqlər davam edir. Yoxlamalar zamanı Tağı Arani küçəsində ümumi istifadədə olan torpaq sahəsinin zəbt edildiyi məlum olub. Burada müvafiq sənədləri olmadan tikintisi aparılan qeyri-yaşayış obyekti aşkarlanıb. Həyata keçirilən tədbirlər nəticəsində işlər dayandırılıb və yarımtikilinin söküntüsü aparılıb.
Qeyd edək ki, monitorinqlər Şəhərdə tikinti norma və qaydalarına riayət olunmadan aparılan tikintilərin müəyyən edilməsi məqsədilə yaradılan komissiya üzvlərinin, Fövqəladə Hallar Nazirliyinin Tikintidə Təhlükəsizliyə Nəzarət Dövlət Agentliyinin Qərb Regional Mərkəzinin, Əmlak Məsələləri üzrə Dövlət Xidmətinin Gəncə Ərazi Şöbəsinin və hüquq-mühafizə orqanlarının nümayəndələrinin iştirakı ilə keçirilir.
