Ölkəmizin qərb bölgələrini təmsil edən “Turan Tovuz” futbol klubu həftəsonu Bakıya yollanacaq.
Gencexeber.az məlumat verir ki, Azərbaycan Premyer Liqasının 6-cı turu çərçivəsində “Turan Tovuz” FK paytaxtın “Sabah” klubu ilə qarşılaşacaq.
Matç Bank Respublika Arenada sentyabrın 15-i saat 20:30-da keçiriləcək.
Qeyd edək ki, “Turan Tovuz” ölkə çempionatlarının 32 illik tarixində turnirin ilk 5 oyununda bir dənə də olsun qol buraxmayan 7-ci komanda olub. Kurban Berdıyevin yetirmələri yalnız “Neftçi” ilə matçda xal itirib. Qərblilər ardınca “Sumqayıt”, “Qarabağ” və “Səbail”i bir, “Kəpəz”i isə üç cavabsız qolla məğlub edib.
