Göygöldə toyda dava düşüb.
Report-un verdiyi məlumata əsasən, hadisə rayon ərazisindəki şadlıq saraylarının birində baş verib. Ağstafadan toya gələn 37 yaşlı E. Nəbiyev xuliqanlıq zəmnində döyülüb.
O, xəstəxanaya yerləşdirilib, vəziyyətinin ağır olduğu bildirilir.
Göygöl Rayon Polis Şöbəsinin əməkdaşları müvafiq tədbirlər keçiriblər. Nəticədə hadisəni törətməkdə şübhəli bilinən rayon sakini R. Cəlilov saxlanılaraq istintaqa təhvil verilib.
İlkin məlumata əsasən, insident musiqi sifarişi üstündə baş verib.
Faktla bağlı araşdırma aparılır.
