Gəncənin müxtəlif ərazilərində binaların üzlüklərindən kərpic və iri aqlay parçalarının qopması halları təkrarlanmaqdadır. Son zamanlar şəhərin mərkəzi ərazilərində bu cür təhlükə yaradan hadisələr daha çox baş verir.
Atatürk prospektinin sakinləri də Gencexeber.az-a bu problemlə bağlı müraciət ediblər.
Şikayətçilər bildirir ki, prospektdəki binanın dam örtüyündən iri aqlay parçası sallanır. Bu vəziyyət sakinlər və həmin ərazidən keçən vətəndaşlar üçün ciddi təhlükə mənbəyidir:
“Hər an baş verə biləcək bədbəxt hadisənin qarşısını almaq üçün müvafiq orqanlar bu məsələyə daha diqqətli yanaşmalıdır. Sanki gözləyirlər ki, kimsə yaralansın, ölsün, sonra tez qaçıb əlüstü iş görsünlər. Aidiyyəti qurumların tez bir zamanda bu problemi aradan qaldırmasını tələb edirik”.
