Gəncə-Daşkəsən Regional Təhsil İdarəsinin müdiri Kərimov Elçin Vaqif oğlu barədə aidiyyəti qurum tərəfindən İnzibati Xətalar Məcəlləsinin 5281-ci maddəsi ilə inzibati protokol tərtib edilib.
Protokol məhkəmə və ya digər orqanların qərarlarının icrası ilə əlaqədar icra məmurunun qanuni tələblərinin yerinə yetirilməməsinə və ya icra məmuru tərəfindən müəyyən olunmuş müddətdə borclunu müəyyən hərəkətləri etməyə və ya müəyyən hərəkətləri etməkdən çəkinməyə məcbur edən icra sənədinin üzrsüz səbəbdən icra edilməməsinə görə tərtib olunub.
Modern.az xəbər verir ki, işə Gəncə şəhər Məhkəməsində hakim Liza Xanməmmədovanın sədrliyi ilə baxılacaq.
Qeyd edək ki, protokol təsdiq edilərsə, idarə müdiri min iki yüz manatdan iki min beş yüz manatadək məbləğdə cərimələnə bilər.
Xatırladaq ki, Kərimov Elçin Vaqif oğlu oktyabrın 30-da Gəncə-Daşkəsən Regional Təhsil İdarəsinin müdiri təyin eidlib.
