Sentyabr döyüşlərində şəhidlik zirvəsinə ucalan hərbi qulluqçularımızın anım günləri ilə bağlı bir neçə tədbir təşkil ediləcək.
Gencexeber.az məlumat verir ki, 2022-ci ilin sentyabrın 12-14 tarixlərində Ermənistan silahlı qüvvələrinin genişmiqyaslı təxribatı nəticəsində şəhid olan Yunis Qasım oğlu Kazımov, Azər Mustafa oğlu Məmmədov və Azad Zakir oğlu Kərimovun anım mərasimləri keçiriləcək.
Tədbirlər şəhidlərin Qazax rayonunda doğulduqları kəndlərdə təşkil ediləcək:
- Şəhid Yunis Qasım oğlu Kazımov üçün anım mərasimi sentyabrın 14-də saat 10:00-da Kəmərli kəndində baş tutacaq;
- Şəhid Azər Mustafa oğlu Məmmədovun anım mərasimi sentyabrın 14-də saat 12:00-da Kəmərli kəndində keçiriləcək;
- Şəhid Azad Zakir oğlu Kərimov üçün anım mərasimi sentyabrın 14-də saat 12:00-da Daş Salahlı kəndində olacaq.
Sözügedən mərasimlər Qazax Rayon İcra Hakimiyyəti və Mirvarid Dilbazi Poeziya Məclisi İctimai Birliyinin birgə təşkilatçılığı ilə təşkil ediləcək.
