Göygöldə ölümlə nəticələnən yol-nəqliyyat hadisəsi baş verib.
Gencexeber.az-ın əldə etdiyi məlumata əsasən, qəza ötən gecə Çaykənd kəndində olub.
Belə ki, "Niva" markalı avtomobilin aşması nəticəsində sürücü, Vətən müharibəsi qazisi, çavuş, 1997-ci il təvəllüdlü Hacıyev Haxoy Əlaslan oğlu hadisə yerində ölüb.
Avtomobildə olan iki nəfər isə xəsarət alıb, yaralılar xəstəxanaya yerləşdirilib.
Faktla bağlı araşdırma aparılır.
Qeyd edək ki, 44 günlük Vətən müharibəsində göstərdiyi qəhrəmanlığa görə H.Hacıyev “Cəbrayılın azad olunamasına görə”, “Qubadlının azad olunamasına görə”, “Vətən uğrunda” və “Vətən müharibəsi iştirakçısı” medalları ilə təltif olunub.
