Futbol üzrə Premyer Liqanın XVII turu çərçivəsində “Kəpəz” “Neftçi”nin qonağı olub.
Gencexeber.az məlumat verir ki, “Neftçi Arena”da baş tutan görüş paytaxt təmsilçisinin 2:1 hesablı qələbəsi ilə yekunlaşıb.
Ağ-qaralıların heyətində Yeqor Boqomolski (4) və Filip Ozobiç (22) adını tabloya yazdırıb. Gəncə təmsilçisinin oyunçusu Orxan Əliyev isə 77-ci dəqiqədə top fərqini minimuma endirib.
Qeyd edək ki, sözügedən klublar arasında baş tutan sonuncu qarşılaşma gəncəlilərin xeyrinə bitmişdir.
