Hərəkətin təhlükəsizliyinin təmin edilməsi, sərnişinlərin mənzil başına təhlükəsiz çatdırılması məqsədilə Bakı və regionlarda müşahidə olunan qarlı-küləkli hava şəraitinə görə dəmir yolunda bəzi sahələrdə qatarların sürət həddi endirilib.
Gencexeber.az bildirir ki, bu barədə “Azərbaycan Dəmir Yolları” QSC məlumat yayıb.
Bildirilib ki, sürət həddinin endirilməsinə görə, Abşeron dairəvi, Bakı-Ağstafa-Bakı və Bakı-Qəbələ-Bakı marşrutları üzrə hərəkət edən qatarların qrafikində qismən kənara çıxma halları müşahidə oluna bilər.
Hərəkət iştirakçılarına bu cür hava şəraitində dəmiryol keçidlərindən istifadə zamanı yüksək sayıqlıq göstərmələri və ehtiyatlı olmaları tövsiyə edilib. Sərnişinlərdən xahiş olunub ki, stansiya və platformalarda qatarları gözləyərkən diqqətli olsunlar.
