Gəncə şəhəri 53 saylı körpələr evi–uşaq bağçasında sanitar-gigiyenik
vəziyyətlə bağlı redaksiyamıza valideynlər tərəfindən şikayət daxil olub.
Gencexeber.az -a müraciət edən valideynlərin iddiasına görə, il ərzində bağçada 4-5 uşağın saçında bit aşkarlanıb. Onlar bu halların təkrarlanmasından narahat olduqlarını, müəssisədə təmizlik və gigiyena qaydalarına lazımi səviyyədə əməl olunmadığını bildirirlər.
Şikayətçilərin sözlərinə görə, mövcud vəziyyətlə bağlı bağça rəhbərliyinə dəfələrlə iradlarını çatdırsalar da, indiyədək problemin həlli istiqamətində nəticə əldə olunmayıb.
Məsələ ilə bağlı Gəncə-Daşkəsən Regional Təhsil İdarəsinə sorğu ünvanlanıb.
