Gəncədə Yeni il bayramına həsr olunmuş tədbirlərin təşkili nəzərdə tutulub.
Gencexeber.az məlumat verir ki, redaksiyamıza şəhər sakinləri tərəfindən qarşıdan gələn bayram ərəfəsində tədbirlərin təşkil olunub-olunmaması ilə bağlı çoxsaylı müraciətlər daxil olub.
Sözügedən məsələ ilə bağlı redaksiyamız Gəncə Şəhər İcra Hakimiyyətinə müraciət edib. Cavab verilib ki, şəhərin əsas meydanında, Gəncə şəhər İcra Hakimiyyətinin binası qarşısında iri yolka qurulacaq.
Əlavə edilib ki, hazırda Yeni il konserti ilə bağlı məlumat yoxdur: “Xəbər əldə olunan kimi ictimaiyyətə açıqlanacaq”.
