Gəncə şəhər 2 nömrəli Peşə Təhsil Mərkəzi ciddi problemlə üzləşib: sinif otaqlarında istilik yoxdur.
Gencexeber.az-a daxil olan şikayətlərə əsasən, aidiyyəti üzrə çoxsaylı şikayətlər edilsə də, vəziyyət dəyişməz olaraq qalır. Bildirilib ki, təhsil müəssisəsində istilik sistemi var, amma qaz təchizatı yoxdur.
“Azəriqaz” İB-nin əməkdaşları məktəbə baş çəksələr də, qaz hələ də verilməyib”, - şikayətçi iddia edib.
Tədris prosesinin davam etdirilməsi, siniflərdə bir təhər oturmaq üçün elektrik sobaları işə salınır. Lakin bu addımlar hava temperaturunun sabitləşməsi üçün kifayət deyil. Şikayətçilər bildiriblər ki, yaranmış vəziyyətə görə təhsil müəssisəsinin rəhbərliyinin heç bir günahı yoxdur.
Sözügedən məsələ ilə bağlı redaksiyamız Peşə Təhsili üzrə Dövlət Agentliyinə müraciət edib. Bildirilib ki, qurum qeyd edilən məsələdən xəbərdardır: “Hal-hazırda problemin aradan qaldırılması istiqamətində işlər aparılır”.
