Gəncə şəhər 22 nömrəli tam orta məktəbdə ödənişsiz tədris və təlimlər təşkil ediləcək.
Gencexeber.az məlumat verir ki, təhsil ocağında 2-5 yaşlı uşaqlar üçün təlimlər təşkil ediləcək. 22 saylı məktəbəqədər icma qruplarında həftəiçi 4 gün olmaqla riyaziyyat və leqo, ətraf aləmlə tanışlıq, rəsm, əl işləri (applikasiya), nitqin inkişafı, xarici dil, idman və musiqi və məntiq tədris ediləcək.
Ödənişsiz əsaslarla həyata keçiriləcək təhsil proqramı çərçivəsində balacalar hər bir vəsaitlə (iş dəftəri, nağıl kitabları, sulu boya, qələm, rəngli, kağız, plastilin, kompüter-proyektorla dərs, rənglər, fiqurlar, musiqi, xarici dil və s.) təmin edilirlər.
Hər biri 15-20 nəfərdən ibarət iki qrupun yaradılması planlaşdırılır. Birinci növbə üzrə məşğələlər 08:30-dan 11:00-a kimi, ikinci isə 11:00-dan 13:30-a kimi davam edəcək. Uşaqlar hər iki dərsdə iştirak edə bilərlər.
Təlimlərə qoşulmaq istəyən şəxslər (055) 711 34 33 mobil telefon nömrəsi ilə əlaqə saxlaya bilərlər. Məktəb Ş.Rustaveli küçəsi, 56 ünvanında yerləşir.
