Region məktəbliləri arasında "Nə? Harada? Nə zaman?" intellektual yarışı keçirilib.
Gencexeber.az Gəncə-Daşkəsən Regional Təhsil İdarəsinə istinadən məlumat verir ki, Elm və Təhsil Nazirliyinin təşkilatçılığı ilə “Təhsil oyunları platforması” tərəfindən Gəncə-Daşkəsən RTİ-nin tabeliyində fəaliyyət göstərən 20 ümumtəhsil məktəbinin 6-11-ci sinif şagirdləri arasında “Nə? Harada? Nə zaman?” oyunu üzrə Gəncə şəhər açıq kuboku keçirilib.
Yarışda Gəncə, Naftalan şəhərlərində, Goranboy, Daşkəsən, Samux, Göygöl rayonlarında təhsil alan məktəblilərdən ibarət komandalar yarışıb.
Yarışın sonunda Goranboy rayon Yeniyol kənd Ç.Hümbətov adına tam orta məktəbin "Qladiator" komandası I yerə, Gəncə şəhər M.Ş.Vazeh adına 16 nömrəli tam orta məktəbin "Dragon" komandası II yerə, Gəncə şəhər 32 nömrəli tam orta məktəbin "Mübarizlər" komandası isə III yerə layiq görülüb.
[caption id="attachment_72944" align="alignnone" width="696"]
[/caption]
[caption id="attachment_72945" align="alignnone" width="696"]
[/caption]
[caption id="attachment_72946" align="alignnone" width="696"]
[/caption]
[caption id="attachment_72947" align="alignnone" width="696"]
[/caption]
