Gəncə Şəhər İcra Hakimiyyəti başçısının müvafiq Sərəncamı ilə “İşçi qrupları” tərəfindən pərakəndə ticarət hallarının geniş yayıldığı ərazilərdə reydlər keçirilir, aşkar edilmiş neqativ halların qarşısının alınması məqsədi ilə qanunamüvafiq tədbirlər görülür.
Gencexeber.az bildirir ki, bu barədə icra hakimiyyəti məlumat yayıb.
Bu dəfə şəhərin Atatürk prospekti, həmçinin Üzeyir Hacıbəyli və Zülfü Hacıyev küçələrində qurulan pərakəndə ticarət obyektləri yığışdırılıb.
Belə ki, bir neçə gün əvvəl “İşçi qrupu”nun üzvləri tərəfindən qeyd olunan ərazilərdə reyd keçirilib və burada qanunsuz küçə ticarəti ilə məşğul olan şəxslərlə izahedici söhbətlər aparılıb. Edilən xəbərdarlıq nəticə vermədiyindən, yol kənarlarında qanunsuz olaraq qurulan pərakəndə ticarət obyektləri sökülüb, satış üçün yol kənarına düzülən yeyinti məhsulları “İşçi qrupu”nun üzvləri tərəfindən yığılıb. Yığılan məhsullar, qanunamüvafiq qaydada akt tərtib edilərək, aidiyyəti üzrə təhvil verilib.
[caption id="attachment_72436" align="alignnone" width="696"]
[/caption]
[caption id="attachment_72435" align="alignnone" width="696"]
[/caption]
