Gəncə Dövlət Universitetinin nəzdində fəaliyyət göstərən Gəncə Regional Kollecinə yeni direktor təyin olunub.
Gencexeber.az-a kollecdən verilən məlumata əsasən, direktor vəzifəsi bu gündən Cümşüd Kəsəmənliyə həvalə edilib.
O, bu vəzifəyədək sözügedən kollecin qiyabi şöbəsinin müdiri kimi fəaliyyət göstərib.
Qeyd edək ki, C.Kəsəmənli 1981-ci ilin 23 oktyabrında Gəncədə anadan olub. 1998-2002-ci illərdə Azərbaycan Texnologiya Universitetində ali təhsil alıb. 2021-ci ildən isə Gəncə Regional Kollecində çalışmağa başlayıb.
Xatırladaq ki, bir neçə gün əvvəl Gəncə Dövlət Universitetinin nəzdində fəaliyyət göstərən Gəncə Regional Kollecinin direktoru İlqar Kubişov və onun müavini Elşad Abbasov işdən çıxarılıb.
Humay İsgəndərli
