Gəncə sakini itlərin hücumuna məruz qalıb.
Gencexeber.az məlumat verir ki, Gəncənin Muxtar Hacıyev küçəsində sahibsiz itlərlə bağlı insident baş verib. Üç sahibsiz it yerli universitetlərin birində təhsil alan 21 yaşlı tələbəyə hücum edib. Gənc qolundan və kürəyindən dişlənib. Üstəlik, onun gödəkçəsi müxtəlif hissələrindən cırılaraq yararsız hala düşüb.
Xoşbəxtlikdən gənc heyvanlardan yaxa qurtara bilib. Onun həyatı üçün təhlükə yoxdur.
Qeyd edək ki, şəhər ərazisində sakinlərin mütəmadi olaraq sahibsiz itlərin hücumlarına məruz qalması halları qeydə alınır.
