Gəncədə şəhərin ekoloji tarazlığının qorunması və yaşıllıq zolaqlarının artırılması məqsədilə ağac və gül əkini kampaniyası davam etdirilir.
Gencexeber.az bildirir ki, bu barədə Şəhər Mənzil Kommunal Təsərrüfatı İstehsalat Birliyi (MKTİB) məlumat yayıb.
Birliyin Yaşıllaşdırma şöbəsi tərəfindən bu dəfə Heydər Əliyev prospektində yerləşən dairədə mövsümü dekorativ gül-çiçəklər əkilib. Güllərin daha uzunömürlü olması üçün əkindən öncə ərazilər torpaq, torf və müxtəlif gübrələrlə zənginləşdirilib. Gül əkini Yaşıllaşdırma şöbəsinin əməkdaşları tərəfindən və birliyin texnikası vasitəsilə həyata keçirilib.
Mövsümü gül əkini aksiyasının qarşıdakı günlərdə də şəhərin müxtəlif ərazilərində davam etdirilməsi nəzərdə tutulur. Qeyd edək ki, Gəncə şəhərini bəzəyən gül və kol bitkiləri MKTİB-nin Gülçülük sahəsində yerli mütəxəssislər tərəfindən müasir istixanalarda yetişdirilir.
[caption id="attachment_73085" align="alignnone" width="696"]
[/caption]
[caption id="attachment_73084" align="alignnone" width="696"]
[/caption]
[caption id="attachment_73082" align="alignnone" width="696"]
[/caption]
[caption id="attachment_73081" align="alignnone" width="696"]
[/caption]
