Xəbər verdiyimiz kimi, Gəncədə Adilxan Ziyadxanov küçəsində yerləşən 36-cı binanın blok girişlərindəki yağışdan və qardan qorunmaq üçün nəzərdə tutulmuş qoruyucu beton konstruksiyalar qəzalı vəziyyətdədir.
Bu barədə şikayətçilərdən tərəfindən redaksiyamıza müraciət daxil olmuşdu.
Gencexeber.az bildirir ki, redaksiyamız tərəfindən məsələ işıqlandırıldıqdan sonra Mənzil İstismar Sahəsinin (MİS) əməkdaşları sözügedən beton konstruksiyanın üzərindəki zibilləri təmizləyiblər. Ancaq mövcud problemin həlli istiqamətində hansısa addımlar atılmayıb.
Vətəndaşların da şikayəti də zibil yox, qəzalı vəziyyətlə bağlı idi… İndi onlar böyük ümidlə gözləyirlər ki, yəqin təmizlənmə işlərindən sonra da təmir prosesinə başlanılacaq.
