Gəncə şəhər Poçt qəsəbəsinin sakinləri qazın verilişindən narazıdır.
Gencexeber.az-a bu barədə şikayətçi sakinlər tərəfindən məlumat daxil olub.
Bildirilir ki, qəsəbədə günlərdir qazın təzyiqinin sıfıra bərabər olması vətəndaşlar üçün ciddi problem yaradır:
“Bu problem qəsəbədə dəfələrlə baş verib. Növbəti problem də günlərdir ki, həll olunmur. Soyuq havada xəstəli, uşaqlı evlərdə qazın verilişinin bu vəziyyətdə olması acınacaqlı haldır. Aidiyyəti qurumlar nə fikirləşir, biz də bilmirik. Dəfələrlə “Azəriqaz”ın qaynarın xəttinə şikayətimizi bildirmişik, təəssüf ki, heç bir müsbət nəticə yoxdur. Daha sonra “Azəriqaz”ın sahə rəisinə də məlumat verdik, məsul şəxs olmasına baxmayaraq, problemin aradan qaldırılması üçün heç bir addım atmadı. Tələb edirik ki, müvafiq qurumlar bu məsələni həll etsin”.
