Gəncənin bəzi ərazilərində elektrik enerjisi kəsilib.
Gencexeber.az məlumat verir ki, Təbriz küçəsi, 8-ci döngənin sakinlərindən elektrik enerjisinin verilişi ilə bağlı şikayət daxil olub. Onların sözlərinə görə, dünən günorta saatlarında əsən güclü külək səbəbilə elektrik enerjisinin təchizatında fasilə yaranıb.
50-dən çox yaşayış evinin yerləşdiyi ərazidə təbiət hadisəsi bitəndən sonra təchizat bərpa edilib. Lakin 15-ə yaxın evdə hələ də işıqlar yanmır.
Məsələ ilə bağlı sakinlər "Azərişıq" ASC-nin 199 qəza xidmətinə, eləcə də qurumun Qərb Regional İdarəsinə məlumat veriblər. Onlara verilən cavabda bildirilib ki, sözügedən çətinlik tez bir zamanda aradan qaldırılacaq. Lakin 15 saatdan çoxdur ki, elektrik enerjisinin təchizatı bərpa edilməyib.
