Doğuş zamanı körpə ölümünün səbəbi bəlli olub.
Tibbi Ərazi Bölmələrini İdarəetmə Birliyindən(TƏBİB) Gencexeber.az-ın sorğusuna cavab olaraq bildirilib ki, Gədəbəy rayon sakini, 2006-cı il təvəllüdlü şəxs (qadın cinsli) ilk dəfə 26.08.2024-cü il tarixində 10-11 həftəlik hamiləlik diaqnozu ilə Gədəbəy Rayon Mərkəzi Xəstəxanasına müraciət edib:
"Laborator müayinələr zamanı hamilə qadında orta-ağır anemiya aşkar olunub. Anemiyanın aradan qaldırılması üçün pasiyentə daha ixtisaslı müayinə və müalicələrdən keçməsi tövsiyə edilib.
Pasiyent 17.09.2024-cü il tarixdə 13 həftəlik hamiləlik diaqnozu ilə Gədəbəy Rayon Mərkəzi Xəstəxanasında təkrar müayinə olunub. Onda yenə də orta-ağır anemiya halı təsdiqlənib. Ona zəruri müalicələr təyin edilərək ayda 1 dəfədən gec olmayaraq həkim qəbulunda olması tövsiyə edilib. Lakin pasiyent 18.11.2024-cü il tarixinədək Gədəbəy RMX-ya müraciət etməyib.
18.11.2024-cü il tarixində 22 həftəlik hamiləlik diaqnozu ilə təkrar müayinədə olub. Müayinələr nəticəsində xəstədə orta-ağır anemiya hamiləlik zamanı proteinuriya aşkar edilib. Yenə zəruri müalicələr təyin olunub və iki həftə sonra müayinə üçün gəlməsi tövsiyə edilib. Lakin pasiyent tövsiyə edilən tarixdə tibb müəssisəsinə müraciət etməyib.
Bundan sonra xəstə 09.12.2024-cü il tarixində saat 04:35 radələrində ambulansla Gədəbəy RMX-nın Doğum şöbəsinə hospitalizasiya olunub. Ona 25-26 həftəlik hamiləliklə, vaxtından əvvəl doğuş, ölü döl, sağrı gəlişi, doğuşun ikinci dövrü aktiv faza diaqnozu təyin edilib".
Nəzrin Vahid
11:52
Gədəbəydə doğuş zamanı körpə ölümü qeydə alınıb.
Qafqazinfo.аz xəbər verir ki, hadisə ötən gün saat 6 radələrində baş verib.
Belə ki, Zəhmətkənd kənd sakini 2006-cı il təvəllüdlü Nuranə Hafiz qızı Nağıyeva 24 həftəlik hamiləliklə bağlı Rayon Mərkəzi Xəstəxanasına müraciət edib. Doğuş zamanı körpə ölüb.
Faktla bağlı araşdırma aparılır.
