Dekabrın 14-ü saat 12:00-a olan məlumata əsasən, ölkə ərazisində yağıntılı və küləkli hava şəraiti davam edir.
Gencexeber.az bildirir ki, bu barədə Milli Hidrometeorologiya Xidməti məlumat yayıb.
Səhər saatlarında müşahidə olunan güclü şimal-qərb küləyi bəzi ərazilərdə tədricən zəifləyib. Küləyin sütəti Mingəçevirdə 26 m/s, Gəncədə 20 m/s, Daşkəsən vəŞəmkirdə 18 m/s-dir.
Milli Hidrometeorologiya Xidmətinin Proqnozlar Bürosunun direktoru Gülşad Məmmədova bildirib ki, hazırda Daşkəsən və Göygöldə sulu qar, qar yağır. Bəzi yerlərdə intensiv xarakterlidir.
Havanın temperaturu dağlıq rayonlarda 9-14° şaxta, Aran rayonlarında 5°-dək isti təşkil edir.
09: 47
Saat 9:00-a olan məlumata əsasən əksər bölgələrdə yağıntılı və küləkli hava şəraiti müşahidə olunur.
Gencexeber.az bildirir ki, bu barədə Milli Hidrometeorologiya Xidməti məlumat yayıb.
Qeyd olunub ki, hazırda Daşkəsən və Gədəbəyə qar yağır.
Bəzi ərazilərdə yağıntılar intensiv xarakterlidir. Əksər bölgələrdə şimal-qərb küləyi güclənib.
Narıncı xəbərdarlığa uyğun olaraq küləyin sürəti Mingəçevirdə 32 m/s, Goranboyda 31 m/s, Gəncədə 25 m/s, Yevlaxda 24 m/s,, sarı xəbərdarlığa uyğun olaraq isə Şəmkirdə 20 m/s, Bərdə, Tovuzda 18 m/s-yə çatıb.
Ölkə ərazisində müşahidə olunan yağıntılı və küləkli hava şəraitinin dekabrın 14-ü günün ikinci yarısınadək davam edəcəyi gözlənilir.
