Dünya sakinlərini geomaqnit qasırğası gözləyir.
Report-un məlumatına əsasən, Günəşin şimal-qərb hissəsində sentyabrın 10-da tac kütlə atılması baş verib. Bununla bağlı Bakı Dövlət Universitetinin Fizika fakültəsinin Astrofizika kafedrasından Günəş aktivliyinin yüksək səviyyəyə qalxdığı bildirilib.
Bu da Yerdə sentyabrın 12-si günün ikinci yarısından başlayaraq 13-ü axşam saat 18:00 radələrinədək davam edən geomaqnit qasırğası yaradacaq. Həmin tarixlərdə radiosiqnallarda, onların ötürülməsi və qəbulunda kəsilmələr müşahidə edilə bilər.
Sentyabrın 12-si gecə geomaqnit qasırğanın səviyyəsi G1 (mülayim), sentyabrın 13-ü səhər 08:00 radələrinədək G2 (orta), saat 20:00-dək G1 olacaq. Sonrakı müddətdə geomaqnit sahə sakit səviyyəyə qayıdacaq.
